Sunday 29 May 2011

"Zo bàwm thingtin pâr vul ching cheng"




Khuanu hian a duang thiam bik e tiru...?

Friday 27 May 2011

Nun awhawm


Khawvelah hian mi chi hrang hrang kan chêng a, mihausa te, rethei te kan chêng a. Hmelha leh ha lem lo thlengin kan kim biai a. Mi chak te, mi thiltithei te chu he khawvel ngaih chuan nun awhawm an ni a, chuti ang mi nih châk chuan thiamtin kan zir hlawm a nih hi. Neih zawng zawng pawh séng hreh lovin zirna ha leh thiamna sáng rûnah kan tu leh fate kan intir liam a; kan zawn ber kan awh ngawih ngawih nun nawmna erawh kan hmu chuang lem hlei lo va.

henkhat erawh chuan chung mite nun chu han tem vein, miropui leh mi thiltihei, mi lâr leh tlangvâlte ngaihzàwn rawn khawpa hmel\ha an han ni ve bawk a, mahse, mi dang tán nun awhawm an ni thei chuang reng reng lo, engvang nge ni ta ang le? Chutih lai chuan heng kan sawi tak ropuina te, hausakna te pawhina a vûr lem loh mihring an lo awm ve leh bawk a, mahse henkhat erawh chu an nun a awhawm riau lawi si, engvang nge?

A chhànna chu heng mite nun aang hian i’n zir dawn teh ang;

Mizo léngkhawmzâiah na ná nâ chuan ani tluka phuah thiam leh a thlûk pawh Mizo ze mila phuah thiam awm tawh chuang lo tur Patea chuan ti hian hla a lo phuah nia mawle!

“Aw Lalpa, Davida leh a thlah Arsi,
I felna ram atân Nangin min buatsaih;
Ka lâwmna tuifinriat angin a liam a,
Thih lui kamah zaiin i hming ka fak ang.” tiin.

Ngun takin han chhiar ila, Pathian a hmuh chianzia a lang nghal a. A lâwmna pawh chu tuifinriat fâwn liam ang maiin a’n tehkhin a. Pathian a hmuh chian ém vanga a làwmna hi a namai lo asin; a sáng ka ti. Patea hian chawimawina sáng a dawn kan hre lova, mi thiam fál tak a nih kan hre lo. Harsatna chhetê kan han tâwk ve a, Pathian fak kan han harsat nghal em em ringawt a. Patea erawh chuan, “Thih lui kamah pawh zaiin i hming ka fak ang,” a la ti thei a nia, a nun hi a awhawm ka ti!!

Midel Suakliana pawhin ti hian hla a lo phuah ve bawk a;

“Aw, hmangaihna ka sawi thiam lo
Na, ka ngâwi thei lo;
Lei leh vân Lalpa, ropui leh thianghlim mawizia,
Haleluia, thiam tâwk tal hian, aw i thlîr ang u.” tiin.

He hla pawh hi a ropui asin! Suaklina chanchin hrim hrim hi zir tham a ni a, Pathian a ihzia leh Pathiana a innghahzia te pawh entawn tham a ni; chu lam erawh chu khêk ta ila. Pathian hmangaihna chu chiang takin a hmu a, châng dang kan thlir pawhin a ênzia leh mawizia ngawt hi a sawi a sawi mai a. Mahse a duh angin a sawichhuak thiam si lo, chuti chung chuan, “Ka sawi thiam lo na, ka ngâwi thei lo,” a ti awk awk a, Paula ang deuhin, a thil hmuh leh hriat te hi sawi loin a awm thei lo a ni! A tawpah, “thiam tâwk tal hian, aw i thlir ang u,” a la ti hram a. Pathian aanga hmangaihna kan chhar thar te, malsâwmna te, nunthar kan chhar te hi kan ngawihbo pui mai hin nge, puanchhuah pawh ngai ti lem lovin kan miha hut vauh vauh mai hin.

Mizo zînga lênglàwng leh Pathian hla phuah thiam hmingthang leh solfa pawh thiamber pawla chhàl ngam, Krismas hlaah ngat phei chuan Sapho ai aia hla thuah pawh phuah nalh thei zawk Pu Rokunga pawhin,

“Sualin bo mah ila, 
Tu dang ka thlang chuang lo;
Ka damchhan ber ka lo hre lo,
Lalpa min ngaidam rawh.” 

a lo ti ve mêk bawk a. Pu Rokunga hian a damchhan a hrechiang a, sual khur aang pawha Isua bâk a thlan chuan loh tur thu a rawn au chhuahpui a. A cháng dang kan chhiar chuan, a hun hma lama a lo sualzia leh a damchhan dik tak a lo hriat loh avanga inchhir chungin ngaihdam a dîl mawlh mawlh mai a ni. Chutah, a damchhan a dik tak a hmuhchian avangin ti hian a hla chu a tláng a han kawm leh a, 

“Ka thla chau a châwl ta,
I thisen luangah chuan;
A ropui dawn mang e,
I chhandamna hmun râlmuanga
Ka châwl kumkhua tur chu.” tiin.

Heng lo pawh hi hla ha tak tak, ropui tak tak a tam awm e, tun atan chuan duhtâwk rih ila. 

Awle, Chhiartu duh tak, heng kan hla rawn tàrlan aang hian NUN AWHAWM chu kan hre thei tawh em? Chhungkuaah harsatna kan tawk a, kan beidawng mai hin em? Kan serthlum emaw, kan buh emaw  a lo kàngin, kan thar tlem a. Tin, kan faten, sual kawng zawhin mi pawi an khawih a, kan mangang hin em? Midang i awt hin tiraw? Mite chuan ‘Thih lui kamah záiin i hming ka fak ang” an ti thei asin!

I inkhawm ziah a, mi felah i inngai ngawt a, tihtur i ti fel thlap bawk a, mahse i lám ngai lo maw? A nih leh, i piang thar ngei a, mahse lâm i zak tlat tiraw? Thu sawi chu sawi loh, antu nih pawh i pha hin maw? “Aw hmangaihna ka sawi thiam lo na, ka ngâwi thei lo” titu te zuk awm bik a!!

Misual i ni a, mi nuihzat leh endawng i ni a, i nun kha miin an awt lo tih pawh i hai lo. Insiamhat i duh, mahse, sual laklawh tawha inhriain, i inkhawm ve pawhin mi nuih i hlau maw? “Sualin bo mah ila, tudang ka thlang chuang  lo;” i ti ve thei tho asin!

Heng zawng zawng neih kim i duh chuan Isua Krista hi ring la, Amahah innghat la tichuan NUN AWHAWM i lo ni mai ang; Pathian hruai apiangte Pathian fate an ni si a.

Amen

Share

Twitter Delicious Facebook Digg Stumbleupon Favorites